Kwa mujibu wa Shirika la Habari la Hawza, Ofisi ya Kiongozi Mkuu wa Mapinduzi ya Kiislamu, kwa mnasaba wa kutimia siku ya arubaini tangu kufanyika mazishi ya kihistoria na kuzikwa mwili wa Mtukufu Shahidi wa Umma, imetoa taarifa kuhusu kufanyika kwa maadhimisho ya Kiongozi Shahidi, Ayatullah al-Udhma Imam Sayyid Ali Husseini Khamenei, katika miji ya Tehran, Qom na Mashhad.
Matini kamili ya taarifa ya Ofisi ya Kiongozi Mkuu wa Mapinduzi ya Kiislamu:
Kwa jina la Mwenyezi Mungu, Aliye Juu.
Sambamba na kutimia siku ya arubaini tangu kufanyika mazishi ya kihistoria na kuzikwa mwili mtakatifu wa Shahidi wa Iran, maadhimisho ya Kiongozi huyo Mkuu na familia yake yanafanyika kwa niaba ya Ayatullah Sayyid Mojtaba Husseini Khamenei, Kiongozi Mkuu wa Mapinduzi ya Kiislamu, katika miji ya Tehran, Qom na Mashhad.
Maadhimisho ya Kiongozi Shahidi, Ayatullah al-Udhma Sayyid Ali Husseini Khamenei, yatafanyika kama ifuatavyo:
Tehran:
Jumanne, tarehe 27 Mordad (18 Agosti 2026), kuanzia saa 11:00 hadi saa 13:00 jioni, katika ukumbi wa ndani wa Muswalla wa Imam Khomeini (ra).
Qom:
Jumatano, tarehe 28 Mordad (19 Agosti 2026), baada ya Swala ya Magharibi na Isha, katika Haram Tukufu ya Hadhrat Fatimah Ma’sumah (sa).
Mashhad Tukufu:
Alhamisi, tarehe 29 Mordad (29 Agosti 2026), sambamba na usiku wa kumbukumbu ya kuuawa kishahidi Imam Hasan al-Askari (as), baada ya Swala ya Magharibi na Isha, katika Haram Tukufu ya Razavi.
Wananchi wa Iran wenye kuthamini na kuheshimu, wanaalikwa kushiriki katika maadhimisho ya kumuenzi Kiongozi Shahidi.
Ushiriki mkubwa na wenye hamasa wa wananchi wote wa Iran pamoja na wapenzi wa Maimamu wawili wa Mapinduzi katika maadhimisho ya siku ya arubaini ya Kiongozi Shahidi, utakuwa ni kiapo kipya cha utii kwa Uongozi Mkuu wa Mapinduzi ya Kiislamu, pamoja na msisitizo mwingine wa kuendeleza njia ya Mheshimiwa Shahidi wa Iran.
Maoni yako